Heimurinn og ég!!

Elsku krúttin mín það eina sem ég vildi sagt hafa núna í nótt er þetta sem kemur hér á eftir, lesið vandlega og hafið að leiðarljósi í lífinu!!!!

Vandamálatréð
Smiðurinn sem ég réð til að hjálpa mér að gera upp gamalt sveitabýli, hafði nýlokið erfiðum fyrsta degi í vinnunni. Hann var klukkutíma of seinn í vinnuna vegna þess að það sprakk dekk á bílnum, rafmagnssögin hans gafst upp og nú neitaði forni pallbíllinn hans að fara í gang.

Meðan ég ók honum heim, sat hann við hlið mér í steingerfðri þögn. Þegar við vorum komnir á leiðarenda, bauð hann mér inn til að hitta fjölskylduna. Þar sem við gengum að útidyrunum, stoppaði hann stuttlega við lítið tré og snerti trjágreinarnar með báðum höndum. Þegar hann hafði opnað dyrnar heima hjá sér, varð á honum undursamleg breyting.

Sólbrúnt andlit hans rifnaði í brosi og hann faðmaði börnin sín tvö og kyssti konuna sína. Seinna gekk hann með mér að bílnum mínum. Við gengum framhjá trénu og forvitnin náði tökum á mér. Ég spurði hann um það sem ég hafði séð hann gera fyrr um kvöldið.

,,Æ, þetta er vandamálatréð mitt," svaraði hann. ,,Ég veit að ég kemst ekki hjá vandamálum í vinnunni, en það er eitt sem víst er, að þau eiga ekki heima á heimili mínu, hjá konu minni og börnum. Þannig að ég hengi þau á tréð þegar ég kem heim á kvöldin. Síðan tek ég þau aftur af trénu á morgnana. Það skrýtna er" sagði hann, ,, að þegar ég kem út á morgnana og tek þau upp, þá eru þau ekki næstum eins mörg og mig minnti að ég hefði hengt upp kvöldið áður."

Ókunnur höfundur (eða ég þekki hann samt að sjálfsögðu) ;-)