Heimurinn og ég!!

Fjallganga

.....
Því hversu mjög sem mönnum
finnast,
fjöllin há, ber hins að minnast,
sem vitur maður mælti forðum
og mótaði í þessum orðum,
að eiginlega er ekkert bratt,
aðeins mismunandi flatt.
Tómas Guðmundsson

Rakst á líka þessa líka ótrúlega flottu stöku í jarðfræðibókinni minni í gær (já mín er sko heldur betur byrjuð að lesa fyrir prófin). Mér fannst þetta mjög sniðugt og þetta alveg bjargaði annars leiðinlegum lestrardegi fyrir mér, bara til að fræða ykkur þá var þetta í kafla sem er um hæðarmun. Sumardagurinn fyrsti í gær og ég inni að lesa í geggjuðu veðri, hvað er það?? Þetta er algjörlega óskiljanlegt að það þurfi að troða blessuðum prófunum inn á svona tíma.
En nóg um það, mig langar að byrja á því að óska Díönu til hamingju með sigurinn í gær, því næst óska ég honum Heimi mínum til hamingju með flutninganna og að lokum vil ég óska Lóu til hamingju með nýja barnabarnið og Hauki Sigurvins um leið til hamingju með barnið, en hann bjargaði einmitt deginum fyrir mér fyrr í vetur!!
Ég hélt í hefðirnar í morgun og svaf yfir mig þó að ég ætti að mæta kl.10 í skólann en það sem verra er er að ég bar einning ábyrgð á því að Karen mætti of seint. En það er nú í lagi því að hún svaf líka yfir sig, var nývöknuð er hún hringdi í mig kl.10. Ég skil þetta samt ekki því að ég var alls ekki þreytt í gær né í dag en vaknaði samt ekki við klukkuna. Ég er samt heppin að hafa bara farið að sofa snemma en ekki álpast í e-r heimsóknir sem stóðu til boða og þ.l. farið enn seinna að sofa og vaknað enn seinna og kannski bara misst af öllum skólanum. En í dag lauk formlega mínum síðasta degi í Verzlunarskóla Íslands allavegana í rúmt komandi ár.
Þarf að hætta núna því jarðfræðin bíður og vinnan eftir það en að lokum ætla ég að skella inn smá grein um mig og annað fólk er fætt þann herrans dag 20.mars t.d. Hrannar Axfjörð elskulegan litla bróður minn...

Þar til næst.....

Þú ert mjög ástundunarsamur við verk og hefur næmar og skilningsgóðar gáfur. Minni þitt er mjög gott, og þú hefur mikla nautn af að rifja upp á ný skemmtileg atvik frá liðinni ævi. Enda þótt þú sért mjög hugbundinn skyldustörfum þínum og sinnir þeim af mikilli kostgæfni, ertu mjög gefinn fyrir gleðskap og ferðalög. Líkindi eru fyrir fleiru en einu hjónabandi.

Hvað finnst ykkur um þetta?? Passar það við mig?? Þetta með gáfurnar er að sjálfsögðu 100% rétt...