Heimurinn og ég!!

Mig langar að byrja á því að bi/yðjast afsökunar á öllum þeim stafsetningarvillum sem kunna að leynast í skrifum mínum.... Sérstaklega vil ég bi/yðja hana Lilju mína afsökunar á því og svo auðvitað Aldísi Aðalbjarnar sem er búin að reyna að troða þessum stafsetningarreglum inn í hausinn á mér í mörg ár án árangurs.... Afhverju má ekki hver og einn skrifa eins og hann vill?? Ég þarf að fara að afla mér jafn mikillar frægðar og Laxness svo að ég megi skrifa eins og mér sýnist... Þannig að ef svo ólíklega vildi til að ég væri að fara að semja e-ð eða þvíumlíkt þá mun ég fá prófarkalesara til þess að fara yfir allt staf fyrir staf, þannig að ekki óttast þegar þið munuð lesa sjálfsævisöguna mína e-n tímann í framtíðinni sem mun fjalla um öll stórkostlegu afrek lífs míns sem verða sko heldur betur mörg og um það hvernig frægðarstjarna mín er búin að skýna.... (hún er ekki byrjuð á því enn, en það mun verða svo skal ég lofa ykkur) hehe

Þetta fann ég skrifað á mbl.is....

Áfengiskaupaaldur væntanlega lækkaður
"Allsherjarnefnd Alþingis leggur til að samþykkt verði frumvarp þingmanna úr öllum flokkum á þingi um að aldur til að kaupa léttvín og bjór verði lækkaður úr 20 árum í 18. Áfram verði hins vegar 20 ára aldurstakmark vegna kaupa á áfengi sem er 22% eða meira. Bjarni Benediktsson, formaður allsherjarnefndar þingsins, sagði í fréttum Ríkisútvarpsins, að nefndin hefði ákveðið að mæla með að frumvarpið verði samþykkt"
Birt með leyfi frá mbl.is

Þetta er náttúrulega BARA snilld. Þegar ég kem heim frá Germany þá verða mér sko allir vegir færir í bjór- og léttvínskaupum ;-)

En nóg um það í dag er ég búin að sitja sveitt yfir þýskubókunum og það sorglega er að ég er alveg svakalega léleg í blessaðri þýskunni. Mig langar samt svo ógeðslega mikið að læra þetta tungumál því mér þykir það ekkert smá töff... Og það mun ég gera, kem heim frá Þýskalandi altalandi þýsku ef ekki bara einungis þýsku... Lilja var mætt heim til mín um ellefu til að njóta þýskunnar með mér, en hún er einmitt að fara í þýskupróf á morgun líka... Við tókum okkur samt Neighbours pásu kl. 12:00 og Lilja er búin að lækka smá í áliti hjá mér eftir að hún lí/ýsti yfir hatri sínu á Neighbours, það er ekkert til þess að státa sig af!! Svo skelltum við okkur á Valur-ÍBV og Valsstúlkur báru sigur úr bítum sem er bara gott mál.... Ég hef trú á því að Valsarar verði tvöfaldir meistarar í ár, það er líka gott mál... Allt er gott á meðan Haukarnir verða ekki meistarar í karlaboltanum og í kvennaboltanum er ÍBV liðið búið að vinna nóg í bili held ég.... En já það er kannski best að fara að skella sér í þýskuna, bið að heilsa í bili....(hvað ætli ég sé búin að skrifa þýska eða e-ð tengt því oft í þessari færslu???)

Þar til næst...."deilur milli sannra vina, sannra elskenda kemur ekki að sök. Geigvænlegt er aðeins ósætti þeirra sem ekki skilja hvor annan".....

P.S. Þakkir dagsins fær Bjarni Benediksson fyrir að vera göfugur maður!! OG LILJA TIL HAMINGJU MEÐ BÍLPRÓFIÐ LJÚFAN!!